इटहरी : इटहरी उपमहानगरपालिकाले जनता क्याम्पसमा बनाएको क्वारेन्टाइनबाट मंगलबार दिउँसो एक भारतीय युवा भाग्ने प्रयास गरेका छन् । बिहारको फारबिसगन्जबाट इटहरी आइपुगेका २१ वर्षीय युवाले भाग्ने प्रयास गरेका हुन् ।
इटहरीमा फलफुल व्यवसाय गर्ने आमालाई भेट्न आएका उनलाई सुरक्षाकर्मीले भेटेर इटहरी अस्पताल पुर्याएको थियो । अस्पतालमा र्यापिड टेस्ट गरिएका उनको टेस्ट रिजल्ट नेगेटिभ आएको क्वारेन्टाइनका इन्चार्ज विशाल दाहालले जानकारी दिए ।
क्वारेन्टाइन पुर्याइएका ती युवा क्वारेन्टाइनबाट भाग्ने प्रयास गरेका थिए । क्याम्पसबाट निस्केर चार सय मिटर अघि बढेका उनलाई सुरक्षाकर्मीको सहयोगमा क्वारेन्टाइनमा लगिएको थियो । युवालाई समात्ने क्रममा स्थानीय आतंकित बनेका थिए ।
इटहरीको क्वारेन्टाइनमा २१ जना राखिएका छन् ।
प्रतिक्रिया दिनुहोस !
