जाजरकोट : जाजरकोटमा गरिएको कोरोनाको द्रुत परीक्षणबाट २०३ जनाको रिपोर्ट नेगेटिभ आएको छ । तीनवटा पालिकामा कोरोनाको द्रुत परीक्षण गर्दा सबैको रिर्पोट नेगेटिभ आएको हो ।
हालसम्म जिल्लाको भेरी नगरपालिकामा ८४, जुनीचाँदे गाउँपालिकामा ६१, बारेकोट गाउँपालिकामा ५५ र छेडागाड नगरपालिकामा ३ जनाको द्रुत परीक्षण गर्दा सबैको रिर्पोट नेगेटिभ आएको स्वास्थ्य सेवा कार्यालय जाजरकोटले जनाएको छ ।
एक महिनायता भारत र अन्यमुलकबाट आएकाको परीक्षण गरिएको हो । अन्यको भने किट अभावमा हुन सकेको छैन । सरकारले जाजरकोट जिल्लाको लागि तीन सय आरडिटी किट मात्र पठाएको हो । तीन सय जति विदेशबाट मात्र आएका छन् । लकडाउनकै समयमा देशका विभिन्न सहरबाट आएकाको भने किट अभावले परीक्षण गर्न नसकिएको स्वास्थ्य सेवा कार्यालयका प्रमुख टीकाराम जैसीले बताए ।
अहिलेसम्म परीक्षण गरिएका सबैमा नेगेटिभ रिर्पोट आएको छ । बाँकी चार पालिकामा पनि दुई दिनभित्र परीक्षण गर्ने गरी टोली खटाएका छौं, उनले भने, 'थप परीक्षणको दायरा बढाउन कम्तिमा तत्काल पाँच सय आरडिटी किट माग गरेका छौं। ।'
प्रतिक्रिया दिनुहोस !
