ललितपुर : स्वास्थ कार्यालय ललितपुरले विदेशबाट आएका पाँच सयभन्दा धेरैको परीक्षण गरेको छ । ललितपुरका ६ वटै स्थानीय तहमा विदेशबाट आएकाहरुको स्वास्थ्य परीक्षण गरेको हो। स्वास्थ कार्यालय ललितपुरका प्रमुख डाक्टर खगेश्वर गेलालका अनुसार ललितपुरमा हालसम्म कुनै समस्या देखिएको छैन । उनले भने' ललितपुर अहिलेसम्म क्लीन छ।'
करीब दुई साता पहिला महालक्ष्मी नगरपालिकाले ७० जनाको स्वाब संकलन गरी परीक्षणका लागि जनस्वाथ्य प्रयोगशाला टेकु पठाएको थियो । रामेश्वर श्रेष्ठका अनुसार र्यापीड टेस्ट भन्दा स्वाब परीक्षण गराउनु उचित लागेको बताए । 'मैले पहल गरेर स्वाबको नमुना संकलन गरेको थिएँ' उनले भने 'स्थानीय तहहरुमा यस्तो काम गर्ने हामी पहिलो बन्यौ ।' मेडिकल पृष्ठभुमिबाट आएकाले मेयरले स्वास्थलाई प्राथमिकतामा राखेर काम गर्दै आएका छन् । तर महालक्ष्मीमा मात्र अझै ६९ जनाको परीक्षण गर्न छुटेको स्वास्थ कार्यालयले जनाएको छ ।
स्वास्थ कार्यालयका तथ्यांक अधिकृत उपेन्द्र अर्यालका अनुसार ललितपुर महानगरपालिकामा बुधबार दोश्रो चरणको र्यापिड टेस्ट भएको छ। पहिला २५६ जनाको परीक्षण भइसकेको र मंगलबार ८१ जना उपस्थित भएको जानकारी दिए । १४० जनाको परीक्षण गर्नुपर्ने महानहरले बताएको थियो' उनले भने 'कतिपयले राजधानी छोडेर बाहिर गएको देखिन्छ ।' उनका अनुसार गोदावरी नगरपालिमा ५० जनाको परीक्षण सकिएको छ । अझै १७ जना छुटेको देखिएको छ । त्यस्तै बागमती गाउँपालिकामा सोमबार २१ जनाको परीक्षण सकिएको स्वास्थ कार्यालयले जनाएको छ ।
महान्काल गाउँपालिकामा १० र कोन्जोस्योममा १२ जनाको परीक्षण सकिसकेको छ । र्यापिड टेस्ट गर्दा हालसम्म कसैको पनि पोजेटिभ नदेखिएको अर्यालले बताए । स्वास्थ कार्यालयका प्रमुख गेलालका अनुसार परीक्षणमा नेगेटिभ देखिएपनि करिब १० प्रतिशतको स्वाब परीक्षण गर्न फेरि पठाइन्छ । शंका लागेकाहरुको नमुना पठाए पनि हालसम्म राम्रो रिपोर्ट आएको भन्दै उनले खुसी व्यक्त गरे।
प्रतिक्रिया दिनुहोस !
