मुगु : लक डाउनका कारण घर आउन नपाइ अलपत्र परेका आफ्ना बासिन्दालाई छायाँनाथ रारा नगरपालिका सोरु र मुगुम कार्मारोङ गाउँपालिकाले बुधबारबाट उद्दार गर्न थालेका छ । खत्याड गाउँपालिकाले भने कोरोना सक्रमण फैलिने त्रासले उद्दारको सट्टा जिल्लाबाहिर रहेका आफ्ना बासिन्दालाई हाल बसेकै स्थानमा राहत पुर्याउने भएको छ ।
खत्याड गाउँपालिकाले बुधबार कोरोना भाइरसको सक्रमण फैलिने त्रासकाका कारण जिल्लाबाहिर रहेकालाई बसेकै स्थानमा राहत पुर्याउने निर्णय गरेको हो ।
अध्यन, रोजगारी, औषधोपचार, तथा अन्य कामका लागि ५ सयभन्दा बढी नागरिक गाउँपालिका बाहिर भएको जानकारी गराएका छन्। अलपत्रको संख्या संकलन गर्न गाउँपालिकाले खटाएको उद्दार टोलीलाई बुधबारदेखि नै लगत संकलन गर्न निर्देशन दिइसकेको छ । लगत संकलन भएपछि हाल बसेकै स्थानमा पुगेर राहत वितरण गरिने गाउँपालिकाले निर्णय गरेको अध्यक्ष शाहीले जानकारी दिए ।
प्रतिक्रिया दिनुहोस !
