जाजरकोट : जाजरकोटको जुनीचाँदे गाउँपालिका वडा नम्वर २ का वडाध्यक्ष रामवहादुर नेपालीलाई कुटपिट गर्ने सात जना पक्राउ परेका छन् । कार्य कक्षमै पुगेर वडाध्यक्ष नेपालीलाई कुटपिट गरिएको थियो।
कुटपिटमा संलग्न सोही वडाका ५३ वर्षीय विर्ख नाथ, ३१ वर्षीय जयबहादुर नाथ, ३६ वर्षीय रेशम नाथ, १८ वर्षीय धनबहादुर नाथ, ४९ वर्षीय नरु नाथ र २१ वर्षीय सुरेन्द्र नाथलाई प्रहरीले पक्राउ गरेको हो ।
पक्राउ परेका सातै जनालाई सदरमुकाम पुरर्याइएको छ । के कारणले आक्रमण भएको हो त्यसबारे केही खुल्न नसकेको र घटनाबारे अनुसन्धान भइरहेको जिल्ला प्रहरी प्रमुख किशोरकुमार श्रेष्ठले बताए । कुटपिटबाट घाइते वडाध्यक्ष नेपालीको टाउको र छातीमा चोट लागेको छ । उनको स्थानीय स्वास्थ्यचौकीमा उपचार भइरहेको छ ।
कुटपिटमा संलग्न जयबहादुर वडाध्यक्ष रामबहादुरसँग पराजित भएका थिए । वडाध्यक्ष रामबहादुर पूर्व एमालेको तर्फबाट उम्मेदवार भएर विजयी भएका थिए भने जयबहादुर काँग्रेसका उम्मेदवार थिए ।
प्रतिक्रिया दिनुहोस !
