रारा राष्ट्रिय निकुन्ज भित्रको रिसोर्टमा आगलागी (तस्बिर)
वैशाख १३, २०७७ शनिबार १८:२६:०
मुगु : शनिबार बिहान आगलागी हुँदा रारा राष्ट्रिय निकुञ्ज हुटु क्षेत्रमा रहेको होटल भिलेज हिरिटेज एण्ड रिसोर्ट पूर्णरुपले क्षति भएको छ ।
निकुञ्ज कार्यालयकै भवन ०७० सालमा १० वर्षका लागि भाडाममा लिइ आन्तरिक तथा बाह्य पर्यटकका लागि बस्न र खान सुविधासहित होटल संचालनमा ल्याइएको थियो । निकुञ्ज कार्यालय र नेपाली सेनाको श्री दल गुल्मको बीचमा यो होटल छ । शनिबार बिहान ९ .४५ बजे होटलमा एक्कासि आगो लागेको देखिएको थियो । लक डाउनका कारण होटलमा बस्ने ग्राहक थिएनन् । हाल होटलका म्यानेजर र अन्य तीन जना कामदार मात्र रहेका थिए । स्टोर कोठामा राखिएका सोलार प्यानका उपकरणको तारलाई मुसाले काटेकै कारणले आगलागी भएको अनुमान गरिएको र आगलागीबाट ५० लाखभन्दा बढीको क्षति भएको होटल भिलेज हिरिटेजले जानकारी गराएको हो ।
रिसोर्ट नजिकै रहेको श्रीदल गुल्मबका नेपाली सेना र निकुञ्ज कार्यालयका वन रक्षक र अन्य कर्मचारी टोलीले आगो निभाएका थिए । आगो दिउँसो २ बजे नियन्त्रणममा आएको थियो । आगलागी भएको जानकारी पाउन साथै सदरमुकाम नेपाली सेनाको गमगढीमा रहेको सदरमुकाम सुरक्षा बेश क्याम्प शस्त्र प्रहरी र नेपाल प्रहरीको टोलीसमेत घट्ना स्थलमा पुगी आगो नियन्त्रणमा सहयोग गरेको रारा राष्ट्रिय निकुञ्ज कार्यालयका रेञ्जर यज्ञ रोकायाले जानकारी दिए ।
आगो नियन्त्रणपछि अहिले के-कति क्षति भएको भन्ने बारे अनुसन्धान भइरहेको प्रहरीले बताएको छ ।
प्रतिक्रिया दिनुहोस !
