ताप्लेजुङमा ट्याक्टर दुर्घटनाः चालकको मृत्यु, सहचालक गम्भीर
वैशाख १५, २०७७ सोमबार १७:१७:०
ताप्लेजुङ : ट्याक्टर दुर्घटना हुँदा ताप्लेजुङमा चालकको मृत्यु भएको छ । मृत्यु हुनेमा २२ वर्षीय निर्मल लामिछाने छन् । ट्याक्टर सिरिजङ्घा गाउँपालिका-२ आम्बेगुदिनबाट सोही गाउँपालिकाको खाम्दिने बजार गइरहेको अवस्थामा सडकबाट सय मिटर तल खसेको हो ।
पाँचथर हिलिहाङ गाउँपालिका-५ घर भएका लामिछानेको घटनास्थलमै मृत्यु भएको जिल्ला प्रहरी कार्यालय ताप्लेजुङका प्रहरी निरीक्षक विष्णु खड्काले बताए ।
सहचालक सोही ठाउँ निवासी रुद्र पौडेल गम्भीर घाइने छन् । उनलाई उपचारका लागि झापा पठाइएको खड्काले जानकारी दिए ।
प्रतिक्रिया दिनुहोस !
