जाजरकोट : जिल्लाको वारेकोट गाउँपालिका २ लिम्सा स्थित प्राथमिक स्वास्थ्य केन्द्रका कार्यरत मेडिकल अधिकृत डाक्टर नवीन सहनीलाई कुटपिट गर्ने स्थानीय तीन जना युवालाई प्रहरीले पक्राउ गरेको छ । मदिरा सेवन गरेका युवाहरुले डाक्टर सहानीमाथि शुक्रबार राती कुटपिट गरेका थिए ।
डाक्टर कुटपिटमा संलग्न तीन जनालाई पक्राउ गरिएको प्रहरीले जनाएको छ । स्थानीय तिलक सिंह, चक्र वुढा र पदम नेपालीलाई पक्राउ गरिएको जिल्ला प्रहरी प्रमुख डिएस्पी किशोरकुमार श्रेष्ठले बताए । पक्राउ परेका तीनै जनालाई सदरमुकाम झिकाइएको डिएस्पी श्रेष्ठले जानकारी दिए ।
दुर्गममा आएर जनताको सेवा गरिरहेका डाक्टरलाई कुट्ने जो भए पनि अपराधी भएको र उनीहरुलाई हदैसम्मको कारवाही हुनु पर्ने बारेकोट गाँउपालिकाका स्वास्थ्य शाखा प्रमुख वीरराज सिंहले बताए ।
प्रतिक्रिया दिनुहोस !
