इटहरी : इटहरीको पर्यटकीय स्थल तालतलैयामा संरक्षण गरेर राखिएको दुम्सी मारेको आरोपमा एकजना पक्राउ परेका छन् । इटहरी २ का २७ वर्षीय रोबन भनिने उत्तम भण्डारी पक्राउ परेका हुन् । उनको घरको मल खाडीमा एउटा दुम्सीको मासुसमेत लुकाएर राखिएको अवस्थामा बरामद गरिएको छ ।
तालतलैयाको हाताभित्र उद्धार गरी राखिएका तीनवटा दुम्सीमध्ये एउटालाई मारेर काटकुट पारी मलको खाडिमा लुकाएर राखेको फेला परेको स्थानीय तुलाराम दंगालले जानकारी दिए ।
प्रहरीले दुम्सीको मासुसहित भण्डारीलाई पक्राउ गरी वन कार्यालयलाई बुझाएको इलाका प्रहरी कार्यालय इटहरीका प्रहरी निरीक्षक मानप्रसाद श्रेष्ठले जानकारी दिए ।
प्रतिक्रिया दिनुहोस !
