जोमसोम: मुस्ताङको थासाङ-३ लार्केस्थित एक घरमा मंगलबार आगलागी भएको छ । स्थानीय भीमबहादुर पूर्जाको टिनले छाएको एकतले घरमा बिहानपख चिया पकाउँदै गर्दा अचानक ग्यास लिक भइ आगलागी भएको इलाका प्रहरी कार्यालय लेतेले जनाएको छ ।
चिया पकाइ रहेको अवस्थामा ग्यास सिलिण्डर लिक हुँदा ढिलोगरी थाहा पाउँदा आगलागी भएको पीडित भीमबहादुर पुर्जाले जानकारी दिए । आगलागीपछि सबै सामान छोडेर ४ जनाको परिवार बाहिर निस्किएपछि ग्यास पड्किएको थियो। आगलागी पीडित थासाङ-३ का सामान्य किसान हुन् ।
आगलागीको खबर थाहा पाउने वित्तिकै इलाका प्रहरी कार्यालय लेतेको सुरक्षा टोली तथा स्थानीय जनप्रतिनिधि घटना स्थलमा पुगेका थिए । आगलागीबाट घर जलेर नष्ट भएको र घरभित्र रहेको ४ थान सामसुङ मोबाइल,लत्ताकपडा र फर्निचरका सामान नष्ट भएको इलाका प्रहरी चौकी लेतेका इन्चार्ज जगतबहादुर ढकालले जानकारी दिए ।बस्तीदेखि केही पर एकान्त स्थानमा रहेको उक्त घरमा आगलागी भएपनि बस्तीलाई कुनै क्षति नपुगेको इञ्चार्जले बताए । उनका अनुसार आगलागी हुँदा करिब ६ लाख बराबरको धनमाल नष्ट भएको बताए ।
प्रतिक्रिया दिनुहोस !
