कालिकोट : जिल्लाको पलाँता गाउँपालिकाकमा स्थानीय सरकारविरुद्ध नाराबाजीसहित प्रर्दशन भएको छ । पलाँता गाउँपालिकाको खिन र धौलागोहका स्थानीय नागरिकले स्थानीय सरकारकाविरुद्धमा नाराबाजी गरेका हुन् ।
वैशाखको अन्तिम सातामा पलाँता गाउँपालिका अध्यक्ष लक्ष्मण बम, नेकपा गाउँकमिटीका अध्यक्ष ईन्द्र रोकाया र १ वडाका अध्यक्ष मानबहादुर भण्डारीबीच कुटाकुट भएको थियो।
उक्त झडपमा गाउँपालिका अध्यक्ष, उनकी पत्नी गोरीकला बम र उनका भतिज गजेन्द्र बम घाइते भएका थिए । अर्को पक्षका नेकपा पालिका अध्यक्ष र वडा अध्यक्ष पनि सामान्य घाइते भएको थिए । घाइते गाउँपालिका अध्यक्ष बमकी पत्नी गोरिकलाको प्रदेश अस्पताल सुर्खेतमा उपचार भइरहेको छ ।
अध्यक्ष लक्ष्मण बममाथि वडाध्यक्ष भण्डारीले हातपातको सुरुवात गरेपछि दोहोरो झडप भएको थियो । गाउँपालिका अध्यक्ष बममाथि आकर्मण गर्ने नेकपा गाउँपालिका अध्यक्ष बिष्णु रोकाया र वडा अध्यक्ष मानबहादुर भण्डारीलाई ज्यान मार्ने उद्योग मुद्धामा प्रहरीले पक्राउ गरेको छ ।
नेकपाकाद्वय नेतासहित दुईजना युवालाई प्रहरीले पक्राउ गरेपछि पलाँतामा ती नेताको रिहाइको माग गर्दै विरोध प्रद्धर्शनका साथै तीन वडा कार्यालयमा ताला लगाएका छन् ।
पलाँता गाउँपालिका १, २ र ३ मा ताला लगाउनुका साथै गाउँपालिका अध्यक्षको पुत्ला जलाइएको नेकपाका स्थानीय नेता मनरुप न्यौपानेले जानकारी दिए । उनका अनुसार जनताको पक्षमा बोल्ने नेतालाई झुटो मुद्धा लगाइएको बताउँदै उनीहरु रिहा नभए थप आन्दोलन गर्ने चेतावनी दिए ।
गाउँपालिका अध्यक्षको पुत्ला दहन गर्नुका साथै वडा कार्यालयल र शाखा कार्यालयमाथि ढुंगामुडा समेत गरिएको छ । विवादले चर्को रुप लिएको छ भने, सुरक्षा निकाय मौन देखिएको छ । कोरोना कहरका बेला पलाँतामा नेकपाको सरकार पक्ष र पार्टीबीच भएको विवाका कारण लकडाउनको पनि पालना भएको छैन् ।
गत वैशाख २७ गते शनिबार गाउँपालिका अध्यक्ष बम र उनकी श्रीमती गोरिकला बममाथि आक्रमण भएपछिको विवादले चर्को रुप लिएपछि पक्ष पक्षविपक्षबीच चर्का नाराबाजी भइरहेको छ । गत मंगलबार बम पक्षका स्थानीयले दोषीमाथि कारबाहीको माग गर्दै पलाँता प्रहरी चौकी घेराउ गरेका थिए ।
आक्रमण गरेको आरोपमा पक्राउ परेका नेपाल कम्युनिस्ट पार्टी (नेकपा) पलाता गाउँ कमिटी अध्यक्ष बिष्णु रोकाया र सोही गाउँपालिका-१ का वडाध्यक्ष मानबहादुर भण्डारीका समर्थकले झुट्टा मुद्धा खारेज गर, भ्रष्ट सरकार चाहिदैन्, पलाँता गाउँपालिकाबाट खीन र धौलागोह अलग गर, खाडाका अग्नी पीडितको राहत सार्वजानिक गर, पलाँताको खाता बन्द गर, नेता किन्न पाइदैनजस्ता नारा लगाएका छन् ।
उनीहरुले गाउँपालिका अध्यक्ष बलमे पार्टीका नेताहरु किनेर नेकपा पलाँताका अध्यक्ष बिष्णु रोकाया र वडा अध्यक्ष मानबहादुर भण्डारीलाई मुद्धा लगाइएको आरोप लगाएका छन् ।
प्रतिक्रिया दिनुहोस !
