इटहरी : पेस्तोल र लागुऔषधसहित सप्तरीका कृष्णकुमार यादव (क्रिस) सुनसरीबाट पक्राउ परेका छन् । एक थान कटुवा पेस्तोल, ३ थान गोली र लागुऔषधसहित उनलाई पक्राउ गरिएको सुनसरी प्रहरीले जानकारी दिएकोछ । बी आर ५० पी १२४१ नम्बरको भारतीय नम्बर प्लेटको गाडीमा सप्तरीबाट सुनसरी आउँदै गरेको सूचनाका आधारमा सुनसरी प्रहरीले पक्राउ गरी खानतलासी गरेको हो ।
ज्वालासिंहको भुमिगत संगठनमा हिडेका उनीमाथि सबैखालको अपराधमा संलग्न रहेको आरोप लागेको सुनसरीका प्रहरी प्रमुख कमल थापाले जानकारी दिए । यता कोशी गाउँपालिका ८ का वडाध्यक्ष विन्देश्वरप्रसाद यादवले भने क्रिसलाई फँसाइएको बताएका छन् । विज्ञप्ती जारी गर्दै उनले मंगलबार साँझ आफूहरुकै सामुन्ने भान्टाबारी बजारमा खानतलासी हुँदा गाडीमा केही नभेटिएको दावी गरे ।
प्रतिक्रिया दिनुहोस !
