चरिकोट : आइतबार दोलखाको मुख्य नदी तामाकोशीले बगाउँदा दुई युवा बेपत्ता भएका छन् । छुट्टाछुट्टै घटनामा माछा मार्ने क्रममा ३६ वर्षीय र पौडी खेल्ने क्रममा १९ वर्षीय युवालाई तामाकोशी बगाएर बेपत्ताबनाएको प्रहरीले जानकारी दिएको छ।
आइतबार दिउँसो करिब साढे १ बजे तामाकोशीको चैतेघाट क्षेत्रमा माछा मार्ने क्रममा चिप्लिँदा मेलुङ गाउँपालिका–१, पवटीका ३६ वर्षीय दिपक भुजेललाई बगाउँदा बेपत्ता भएको दोलखाका प्रहरी प्रवक्ता निरीक्षक रेशम बोहराले जानकारी दिए । बेपत्ता भुजेलसँगै माछा मार्न गएका बुबा र भाइले खबर गरेपछि पुगेको प्रहरी टोली र स्थानीयले उनको खोजतलास गरिरहेका छन् ।
आइतबार दिउँसो करिब १ बजे कालिञ्चोक गाउँपालिका–७, सुनखानीको ठूलाखेत निवासी १९ वर्षीय नवराज पौडेल तामाकोशीमा पौडी खेल्ने क्रममा डुबेर बेपत्ता भएको प्रवक्ता निरीक्षक बोहराले जानकारी दिए । प्रहरी र स्थानीयले उनको पनि खोजी कार्य गरिरहेको प्रवक्ता बोहराको भनाइ छ।
प्रतिक्रिया दिनुहोस !
