मलंगवा : सर्लाहीको बसबरिया गाउँपालिकामा मंगलबार राती एक वृद्धको हत्या गरिएको छ । बसबरिया गाउँपालिका ५ धनगढाका ७० वर्षीय रामअधिन रायको घरेलु हतियार प्रहार गरी हत्या गरिएको जिल्ला प्रहरी कार्यालय सर्लाहीले जनाएको छ ।
घर नजिकै रहेको आँपको बगैचामा बनाएको झुपडीमा सुतिरहेको अवस्थामा रायको हत्या गरिएको प्रहरी नायव उपरीक्षक मदन कुवँरले जानकारी दिएका छन् ।
बाँसको चिरपट वा अन्य कुनै घरेलु हतियार प्रहार गरी हत्या गरेको अवस्थामा रायको शव भेटिएको हो।हत्याको आशंकामा एकजनालाई नियन्त्रणमा लिएर अनुसन्धान भइरहेको प्रहरी नायव उपरीक्षक कुवँरले जानकारी दिए।
हत्या गरिएका वृद्धको शव अहिले सर्लाही अस्पताल मलंगवामा पोष्टमार्टमका लागि राखिएको छ । हत्या कसले किन गरेको हो भन्ने बारेमा अनुसन्धान भइरहेको प्रहरीले जनाएको छ ।
प्रतिक्रिया दिनुहोस !
