कोरोना विशेष अस्पताल दाङबाट आठजना कोरोना संक्रमित डिस्चार्ज हुँदै
जेठ १६, २०७७ शुक्रबार ११:३६:०
दाङ : कोरोना विशेष अस्पताल बेलझुण्डी दाङमा उपचार गराइरहेका ८ जना अस्पतालबाट डिस्चार्ज हुन लागेका छन्।दाङ, बाँके र कपिलवस्तुका आठजना कोरोना जितेर भएर घर जान लागेका हुन्। संक्रमण पछिको दुईवटा परीक्षण नेगेटिभ देखिए पछि अस्पतालले शुक्रबार उनीहरुलाई डिस्चार्ज गर्न लागेको अस्पताल व्यवस्थापक (हे.अ) दोर्ण वलीले जानकारी दिए ।
अस्पतालमा उपचाररत १६ जनाको परीक्षण गरिएकोमा ८ जनाको नेगेटिभ आएको अस्पतालका व्यवस्थापक वलीले जानकारी दिए ।बाँकेका तीनजना, कपिलवस्तुका ४ जना र दाङका एकजनाको रिपोर्ट नेगेटिभ आएसँगै डिस्चार्च गर्न लागिएको हो।अहिले अस्पतालमा ४० जना कोभिड १९ संक्रमितको उपचार भइरहेको छ ।
सबैजनाको स्वास्थ्य अवस्था सामान्य रहेको वलीले बताए । उनीहरु सबै १० देखि १४ दिनको अस्पताल बसाइपछि डिस्चार्ज हुन लागेका हुन्।
प्रतिक्रिया दिनुहोस !
