मलंगवा : सर्लाहीमा शुक्रबार थप ४ जना कोरोना भाइरस (कोभिड–१९) संक्रमित फेला परेको छ। संक्रमित हुनेहरुमा २ जना कौडेना गाउँपालिकाका रहेका छन्। कौडेना गाउँपालिका-१ का २१ वर्षीय र वडा नं. २ का १९ वर्षीय रहेका छन्। त्यसैगरी सदरमुकाम मलंगवाका २ जना संचारकर्मी समेतमा कोरोना पोजिटिभ देखिएको छ। मलंगवा १० का २६ वर्षीय र मलंगवा-९ की ३० वर्षीया संचारकर्मी रहेका छन् । संचारकर्मीद्वय गत सोमबार पीसीआरका लागि स्वाब दिएका थिए।
जिल्लामा ४ जना थप फेलापछि कोरोना संक्रमितको संख्या ४४ पुगेको छ। यसभन्दा अगाडी गोडैता नगरपालिकामा २६, मलंगवा नगरपालिकामा ७, रामनगर बहुअर्वा गाउँपालिकामा २, धनकौल गाउँपालिकामा १, हरिपूर्वा नगरपालिकामा १, कविलासी नगरपालिकामा १, हरिवन नगरपालिकामा १ र बागमति नगरपालिकामा १ जना फेला परेका छन्।
प्रतिक्रिया दिनुहोस !
