दैलेखमा थप १७ जनाको कोरोना पुष्टि, संक्रमितको संख्या ४८ पुग्यो
जेठ १८, २०७७ आइतबार १३:३४:०
दैलेख : दैलेखमा थप १७ जनामा कोरोना पुष्टि भएको छ । कर्णाली प्रदेशको सामाजिक विकास मन्त्रालय अन्तरगर्तको स्वास्थ्य सेवा महाशाखाका जनस्वास्थ्य शाखा प्रमुख नवराज कँडेललेका अनुसार दैलेखको नारायण नगरपालिकाका १७ जनाको कोरोना संक्रमण देखिएको हो ।
कर्णाली स्वास्थ्य विज्ञान प्रतिष्ठान शिक्षण अस्पताल जुम्लाको प्रयोगशालामा गरिएको पीसीआर परीक्षणमा थप १७ जनामा कोरोना संक्रमण देखिएको हो ।
नारायण नगरपालिका–३ का १६, १९, २९, ४८ वर्षीय पुरुष, नारायण नगरपालिका–५ का १८, २४, २५, २८, ३५ वर्षीय पुरुष, नारायण नगरपालिका–४ का १८, २०, २०, २२, २२ र ३८ वर्षीय पुरुष, नारायण नगरपालिका–८का २६ वर्षीय पुरुष, नारायण नगरपालिका–९ साँडुका २२ वर्षीय पुरुषमा कोरोना संक्रमण पुष्टि भएको हो ।
योसँगै दैलेखमा कोरोना संक्रमितको संख्या ४८ पुगेको छ । संक्रमितमध्ये एकजनाको शनिबार मृत्यु भएको छ । यसैबिच आइतबार कालिकाटको शुभकालिका गाउँपालिका –५ का १९ वर्षीय पुरुषमा कोरोना संक्रमण पुष्टि भएको छ । योसँगै कर्णालीमा संक्रमितको संख्या १ सय २३ पुगेको स्वास्थ्य सेवा महाशाखाका जनस्वास्थ्य शाखा प्रमुख नवराज कँडेलले बताए ।
प्रतिक्रिया दिनुहोस !
