क्वारेन्टाइनमा मृत्यु भएका युवकको कोरोना रिपोर्ट नेगेटिभ
जेठ २७, २०७७ मंगलबार ७:२७:०
बैतडी : बैतडीको पाटनमा क्वारेन्टाइनमा मृत्यु भएका ३० वर्षीय युवकको कोरोना रिपोर्ट नेगेटिभ आएको छ । गत शनिबार बैतडीको पाटन नगरपालिका–६ स्थित भीमदत्त प्राविधिक शिक्षालय क्वारेन्टाइनमा बसेका पाटन–६ सन्तोलीका ३० वर्षीय हरिश लुहारको ज्यान गएको थियो ।
शनिबार बिहानमात्रै भारतको बैंगलोरबाट फर्केका उनी साँझ एक्कासी बेहोस भएका थिए । बेहोस भएका लुहारलाई प्राथमिक स्वास्थ्य केन्द्र पाटनमा उपचारका लागि पुर्याउँदा स्वास्थ्य केन्द्रमै ज्यान गएको थियो ।
कोरोना आशंकामा स्वाब संकलन गरेर पीसीआर परीक्षणका लागि धनगढी पठाइएको थियो । लुहारको पीसीआर रिपोट नेगेटिभ आएको पाटन नगरपालिकाका स्वास्थ्य शाखा प्रमुख मदनसिंह महराले जानकारी दिए । लुहारसँगै भारतको बैंगलोरबाट फर्केका अन्य १३ जना क्वारेन्टाइनमा बसिरहेका छन् । बैतडीमा क्वारेन्टाइनमा बसेका तीनजनाको मृत्यु भइसकेको छ । तिनै जनाको कोरोना रिपोट भने नेगेटिभ आएको छ ।
प्रतिक्रिया दिनुहोस !
