प्यूठान : प्यूठानमा पछिल्लो पटक २० जना नयाँ कोरोना संक्रमित थपिएका छन् । प्रादेशिक जनस्वास्थ्य प्रयोगशाला भैरहवामा गरिएको परीक्षणमा मंगलबार उनीहरुलाई कोरोना संक्रमण भएको पुष्टि भएको हो ।
नौवहिनी गाउँपालिका ६ का १४ जना, गौमुखी गाउँपालिका, स्वर्गद्धारी नगरपालिका र प्यूठान नगरपालिकामा दुई/दुई जना संक्रमित थपिएको स्वास्थ्य कार्यालय प्यूठानका कोरोना फोकल पर्सन एवं जनस्वास्थ्य निरीक्षक पुष्कल श्रेष्ठले जानकारी दिए ।
उनका अनुसार नौवहिनीमा संक्रमित हुनेमध्ये एक जना ७३ वर्षीया वृद्धा छिन् । अन्य १९ जना भारतबाट आएर क्वारेन्टाइनमा बसेका हुन्। जिल्लामा कोरोना संक्रमित हुनेको संख्या हालसम्म ५५ पुगेको श्रेष्ठले बताए ।
प्रतिक्रिया दिनुहोस !
