बैतडी : सुन लुटेरा र खरिद गर्नेलाई प्रहरीले पक्राउ गरेको छ। पक्राउ पर्नेमा बझाङ बित्थडचीर गाउँपालिका ७ का २७ वर्षीय बिर्ख लुहार र बैतडीको सिगास गाउँपालिका ७ का प्रकाश बोहरा रहेका छन् ।
बिर्खले सिगास गाउँपालिका ७ अगुरालीकी ४४ वर्षीया नर्मा बोहराले कानमा लगाएको सुनका गरगहना लुटेको प्रहरी नायव उपरीक्षक नारायणप्रसाद अधिकारीले जानकारी दिए ।
स्थानीय जंगलमा घाँस काटिरहेकी नर्मालाई बिर्खले गत जेठ ३२ गते कैचीको पाता देखाई मार्छु भनी डर धम्की दिएर मुन्द्रा लुटेको प्रहरीले जनाएको छ।यस्तै बिर्खबाट सुनका मुन्द्रा किन्ने प्रकाशलाई पनि प्रहरीले पक्राउ गरेको छ । प्रकाशले साठी हजारमा मुद्रा किनेको हुनाले पक्राउ गरेको प्रहरीले जनाएको छ ।
उनीहरु दुबैजनालाई बिक्रीवितरण गरिएको सुनसहित घरबाटै पक्राउ गरिएको हो । पक्राउ परेका दुबैजनालाई इलाका प्रहरी कार्यालय पाटनको हिरासतमा राखिएको छ । घटनाको थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
प्रतिक्रिया दिनुहोस !
