बैतडीमा थप ५ जनामा कोरोना संक्रमण : संक्रमितको संख्या १ सय २१ पुग्यो
असार ६, २०७७ शनिबार १३:१:०
बैतडी : राष्ट्रिय जनस्वास्थ्य प्रयोगशाला टेकु काठमाडौंमा शनिबार गरिएको परीक्षणमा बैतडीका थप ५ जनामा कोरोना पुष्टि भएको छ । योसँगै जिल्लामा कोरोना संक्रमितको संख्या १ सय २१ पुगेको छ ।
मेलौली नगरपालिकाका १ महिला र ४ पुरुषमा शनिबार कोरोना संक्रमण पुष्टी भएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए । संक्रमण पुष्टि भएका १८ वर्षदेखि ५० वर्षसम्मका रहेका छन् । उनीहरु सबै भारतबाट फर्किएका र आरडिटी पोजिटिभ देखिएका नागरिक हुन् ।
संक्रमण पुष्टि भएका पाँचैजना नगरपालिकाले निर्माण गरेका क्वारेन्टाइनमा रहेका र उनीहरुलाई छुट्टै आइसोलेसनमा राखिने स्वास्थ्य कार्यालयले जनाएको छ ।
योसँगै बैतडीमा ८ ओटा स्थानीय तहमा कोरोना बिरामी फेला परेका छन् ।
प्रतिक्रिया दिनुहोस !
