बैतडीमा थप २ जनामा कोरोना पुष्टि : संक्रमितको संख्या १५८ पुग्यो

बैतडी : बैतडीमा आइतबार थप दुईजनामा कोरोना संक्रमण पुष्टि भएको छ । धनगढी प्रयोगशालामा गरिएको परीक्षणमा सिगास गाउँपालिका ५ का २२ वर्षीय पुरुष र सिगास गाउँपालिका ४ का ३५ वर्षीय पुरुषमा कोरोना पुष्टि भएको सेती प्रादेशिक अस्पतालका सूचना अधिकारी दिलीप कुमार श्रेष्ठले जानकारी दिए । 

योसँगै बैतडीमा कोरोना संक्रमितको संख्या १५८ पुगेको छ । शनिबार एकैदिन बैतडीका ४० जनामा कोरोना पुष्टि भएको थियो । सिगास गाउँपालिकामा मात्रै कोरोना संक्रमितको संख्या १८ पुगेको छ । संक्रमित सबैको स्वास्थ्य अवस्था समान्य रहेको र उनीहरु आइसोलेसनमा बसिरहेको सिगास गाउँपालिकाका स्वास्थ्य शाखा प्रमुख जनकसिंह धामीले जानकारी दिए ।