दोलखा : दोलखा जिल्लाका थप २ जनालाई कोरोना संक्रमण पुष्टि भएको छ । उत्तरी दोलखाको गोरीशंकर गाउँपालिका-५, सुरीस्थित हलेश्वर माध्यमिक विद्यालयको क्वारेन्टाइनमा रहेका एक/एक महिला र पुरुषको कोरोना संक्रमणको पीसीआर रिपोर्ट पोजिटिभ आएको स्वास्थ्य कार्यालय दोलखाका प्रमुख विभुकुमार झाले जानकारी दिए । यो सहित दोलखामा कोरोना संक्रमितको संख्या ४ पुगेको छ ।
हलेश्वर माविको क्वारेन्टाइनबाट ७ जनाको स्वाब संकलन गरेर असार ११ गते परीक्षणका लागि पठाइएकोमा एक महिला र एक पुरुष गरी दुईजनामा कोरोना संक्रमण देखिएको हो । सोही क्वारेन्टाइनमा करिब १० दिनदेखि कुवेतबाट आएकी ४५ वर्षीया र ३५ वर्षीया २ महिला रहेका छन् ।
संक्रमित देखिएपछि कन्ट्याक ट्रेसिङ कार्य सुरु गरिएको छ । यसअघि दोलखाबाट उपचारको लागि काठमाडौं गएका एक ६५ वर्षीय वृद्ध र जुम्लामा कार्यरत एक युवकमा कोरोना संक्रमण पुष्टि भइसकेको छ । त्यसमध्ये ६५ वर्षी वृद्धको मृत्यु भइसकेको छ ।
प्रतिक्रिया दिनुहोस !
