कोरोना संक्रमितको संख्या १४ हजार नाघ्यो, ४६ सय ५६ डिस्चार्ज : ३० को मृत्यु

कोरोना संक्रमितको संख्या १४ हजार नाघ्यो, ४६ सय ५६ डिस्चार्ज : ३० को मृत्यु

काठमाडौं : नेपालमा कोरोना भाइरस (कोभिड–१९) संक्रमणबाट मृत्यु हुनेको संख्या ३० पुगेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार बुधबार थप एक जनाको मृत्यु भएसँगै कोरोनाले ज्यान गुमाउनेको संख्या ३० पुगेको हो । 

अछाम रामरोशन गाउँपालिका-५ का ४५ वर्षीय एक पुरुषको कोरोनाकै कारण मृत्यु भएको हो । प्रवक्ता गौतमका अनुसार असार १३ गते बयलपाटा अस्पतालमा भर्ना भएका उनको असार १४ गते मृत्यु भएको थियो । उनी मधुमेहबाटसमेत पीडित भएको गौतमले जानकारी दिए । उनको मृत्युपछि लिएको स्वाबको पीसीआर रिपोर्ट पोजिटिभ आएको हो । 

नेपालमा कोरोना संक्रमितको संख्या १४ हजार ४६ पुगेको छ।  बुधबार मात्र  चार सय ८२ जनाको रिपोर्ट पोजिटिभ आएसँगै संक्रमितको संख्या १४ हजार नाघेको हो । 

मन्त्रालयका प्रवक्ता गौतमका अनुसार कोरोना जित्नेको संख्या चार हजार ६ सय ५६ पुगेको छ।  अहिलेसम्म क्वारेन्टाइनमा ४८ हजार तीन सय ६२ जना रहेका छन् । आइसोलेसनमा भने ९ हजार तीन सय ६० जनाको उपचार भइराखेको छ ।

मन्त्रालयका अनुसार प्रदेश  १ मा ६२३, प्रदेश २ मा तीन हजार ८ सय ५६, बागमती प्रदेशमा ४५८, गण्डकी प्रदेशमा १ हजार ५८, प्रदेश ५ तीन हजार आठ सय ४३, कर्णाली प्रदेशमा एक हजार पाँच सय ८ र सुदूरपश्चिम प्रदेशमा दुई हजार सात सय जनामा कोरोना संक्रमण पुष्टि भएको छ । 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.