जाजरकोट : गत सोमबार पहिरोमा परी बेपत्ता भएका जाजरकोटका एक बालक तीन दिनपछि मृत अवस्थामा फेला परेका छन् । जिल्लाको भेरी नगरपालिका ११ जगतिपुरका गणेश वरका दुई वर्षीय छोरा पुष्कर वर सुर्खेतको मेहेलकुना स्थित भेरी नदीको किनारमा फेला परेको प्रहरीले जनाएको छ ।
मृतक बालकको शवलाई अभिभावकको जिम्मा लगाइएको जिल्ला प्रहरी प्रमुख डीएसपी किशोर श्रेष्ठले बताए । गम्भीर घाइते गणेशलाई नेपाली सेनाको हेलिकोप्टरले उद्धार गरी कोहलपुर मेडिकल कलेजमा उपचार भइरहेको छ ।
१४ गते राती घर नजिकैबाट पहिरो आउन थालेपछि गणेशको परिवार पशुचौपायाको उद्धार गर्न निस्केको बेला बालक बेपत्ता भएका थिए । पहिरो आएपछि गणेशका पति पत्नी घरबाहिर निस्केका थिए । गणेशलाई पहिरोले बगाउन थालेपछि उनकी पत्नीले बचाउन खोज्दा बच्चा हातबाट फुत्किएर पहिरोले बगाएको डिएस्पी श्रेष्ठले बताए ।
प्रतिक्रिया दिनुहोस !
