गोरखा : टिपरको ठक्करबाट घाइते भएका चार सिपाहीमध्ये एकको मृत्यु भएको छ । रणसिँह दल गण गोरखामा कार्यरत पालुङ्टार ३ निवासी प्रेम परियारको उपचारको क्रममा मृत्यु भएको गणपति उज्वल केशीले जानकारी दिए ।
उनका अनुसार अर्का सिपाही बज्रबाराही नगरपालिकाका ललितपुरका रञ्जित राना गम्भीर घाइते भएका छन् । टाउकोमा गम्भीर चोट लागेको रानाको भरतपुरस्थित पुरानो मेडिकल कलेजमा आइसियुमा उपचाररत छन् ।
नेपाली सेनाको बा १ झ ५८०० नम्बरको भ्यानलाई लु १ क ३८४६ नम्बरको टिपरले ठक्कर दिँदा चारजना घाइते भएका थिए । अरु दुईजनाको गोरखा अस्पतालमा सामान्य उपचार गराएर फर्किएका छन् । टिपर र चालकलाई नियन्त्रणमा लिइएको ट्राफिक प्रहरी कार्यालयले बताए ।घुम्तीमा असावधानीपूर्वक चलाएको टिपरले ठक्कर दिएको अनुमान गरिएको जिल्ला ट्राफिक प्रहरी कार्यालयले जनाएको छ ।
प्रतिक्रिया दिनुहोस !
