प्युठान : चुनढुङ्गा बोकेको टिपर दुर्घटना हुँदा घटनास्थलमै दुईजनाको मृत्यु भएको छ। लुप्लुङ चुनढुङ्गा खानीबाट शुभश्री अग्नी सिमेन्ट उद्योग कालेकाटे दाङतर्फ जाँदै गरेको ना ७ ख ८९३८ नम्बरको टिपर शनिबार बिहान ९ बजेतिर सरुमारानी गाउँपालिका -६ स्थित मोतिपुर नजिकै दुर्घटनामा परेको जिल्ला प्रहरी कार्यालय प्यूठानका प्रमुख नरेन्द्रकुमार कार्कीले जानकारी दिए।
दुर्घटनामा नौबहिनि गाउँपालिका-६ का चालक रोशन थापा र जोगबहादुर पुनको मृत्यु भएको हो। ब्रेक फेल भएर दुर्घटना भएको हुन सक्ने प्रहरीले प्रारम्भिक अनुमान लगाएको छ। टिपर झण्डै ३ सय मिटर तल माडी नदिमा खसेको छ।
प्रतिक्रिया दिनुहोस !
