सन्धिखर्क : अर्घाखाँचीमा १ सय ५७ जनाले कारोना जितेका छन्। आइसोलेसनमा बसेका १ सय ५७ जनाको दोस्रो कोरोना पीसीआर रिपोर्ट नेगेटिभ आएपछि उनीहरुलाई डिस्चार्ज गरिएको अर्घाखाँची अस्पतालका प्रमुख डाक्टर कपिल गौतमले बताए।
कोरोना जित्नेमा शितगंगा नगरपालिकाका ५५ जना, सन्धिखर्क नगरपालिका ३९ जना, भुमिकास्थान नगरपालिका १९ जना, मालारानी गाउँपालिका ३८ जना, पाणिनि गाउँपालिका ५ जना, छत्रदेव गाउँपालिका १ जना गरी १ सय ५७ जना रहेको सहायक प्रमुख जिल्ला अधिकारी बिनोद खनालले जानकारी दिए।
जिल्लाका विभिन्न स्थानमा निर्माण गरिएका आइसोलेसनबाट उनीहरुलाई केही हप्ता होम क्वारेन्टाइनमा बस्ने गरी घरमा पठाइएको छ। जिल्लामा तीन सय २१ जना कोरोना संक्रमित छन्। दुई जनाको ज्यान गएको छ भने ५ सय ३ जना क्वारेन्टाइनमा छन्।
प्रतिक्रिया दिनुहोस !
५
