सिन्धुलीको बुद्धनगरमा तीन सय किलोको बुद्ध मूर्ति

सिन्धुली : सिन्धुलीको कमलामाई नगरपालिकाको वडानम्बर ७ बुद्धनगरमा तिन सय किलोग्राम तौल भएको भगवान गौतम बुद्धको मूर्ति अनावरण गरिएको छ । सोमबार कमलामाई नगरपालिका सिन्धुलीका प्रमुख खड्गबहादुर खत्रीले बौद्ध परम्पराअनुसार बौद्ध धर्मको पूजाआजासँगै बुद्धको मूर्ति अनावरण गरेका हुन् । 

जिल्ला सदरमुकामको बीच बजारमा रहेको बुद्धनगर चोकलाई धार्मिक तथा पर्यटकीय दृष्टिले समेत गन्तव्य स्थलका रुपमा विकास गर्न शान्तिका दूत गौतम बुद्धको मूर्ति अनावरण गरिएको नगर प्रमुख खत्रीको भनाइ छ ।

बुद्ध मूर्ति स्थापना गर्न कमलामाई नगरपालिकाले १५ लाख र ३ लाख ७५ हजार रुपैयाँ बराबरको जनश्रमदानबाट मूर्ति स्थापना गरिएको उक्त वडाका वडाअध्यक्ष कर्णबहादुर घिसिङले जानकारी दिए ।