कालिकोट : कालिकोटको महावै गाउँपालिका वडा न ७ कोडबाडामा घर भत्किंदा दुई बालबालिकाको ज्यान गएको छ। बुधबार बेलुका महावै गाउँपालिका-७ का तुल महत्तराको घर वर्षाका कारण भत्किएर खेलिरहेका दुई जना बालबालिकाको ज्यान गएको हो।
जिल्ला प्रहरी कार्यलयका सूचना अधिकारी यक्षराज जोसीका अनुसार ज्यान गुमाउनेमा महावै ७ का स्थानीय टेकबहादुर भण्डारीकी ४ वर्षीया छोरी संगिता भण्डारी र सुर्ज महत्तराको १२ वर्षीय छोरो गणेश महत्तराको घर भित्रै पुरिएर मृत्यु भएको हो।
पानी परिरहेको अवस्थामा स्थानीय ६ जना बालबालिका तुल महत्तराको घरमा खेलिरहेका थिए। सोही समयमा माथिबाट ढुंगा खसेर घर भत्किएको हो। अरु ४ जना बालबालिका घाइते भएका छन्। उनीहरुको जिल्ला अस्पताल कालिकोटमा उपचार भइरहेको छ।
प्रतिक्रिया दिनुहोस !
