कालिकोटको सान्नीत्रिवेणीमा पहिरोमा परी दुईजनाको मृत्यु
साउन १५, २०७७ बिहीबार १४:४२:०
कालिकोट : कालिकोटको सान्नीत्रिवेणी गाउँपालिका ६ स्थित लाटे खोलामा पहिरो जाँदा दुईजनाको मृत्यु भएको छ । लाटेखोलाको पहिरोमा सान्नीत्रिवेणी गाउँपालिका ६ का ६० वर्षीय प्रशुराम संज्याल र २८ वर्षीया तारा संज्यालको मृत्यु भएको जिल्ला प्रहरी कार्यालय कालिकोटका प्रमुख डीएसपी श्यामबाबु ओलीयाले बताए ।
उनका अनुसार स्थानीय प्रशुराम संज्याल खानेपानीको लाइन जोड्नका लागि खोलापारी गएको र तारा संज्याल खोला पारी रहेको गोठमा गाईवस्तुलाई घाँस-पानी दिन गएर फर्किने बेलामा पहिरो सखेर दुवैजनाको घटनास्थलमै मृत्यु भएको हो ।
यससँगै बाढी र पहिरोमा परी कालिकोटमा १४ जनाले ज्यान गुमाएका छन् भने ६ जना अझै बेपत्ता छन् । प्रहरीका अनुसार जिल्लाको नरहरीनाथ गाउँपालिकामा सबैभन्दा बढी ९ जनाको मृत्यु भएको छ भने १ जना बेपत्ता छन् ।
यस्तै रास्कोट नगरपालिकामा एकजनाको मृत्यु भएको छ भने पाँचजना अझै बेपत्ता छन् । यस्तै जिल्लाको महावै गाउँपालिकामा दुईजनाको मृत्यु भएको छ ।
प्रतिक्रिया दिनुहोस !
