कालिकोट : कालिकोटको रास्कोट नगरपालिका १ चडीपानीमा पहिरो जाँदा एकजनाको मृत्यु भएको छ । रास्कोट नगरपालिका १ कै स्थानीय घण्टी भण्डारीको पहिरोमा पुरिएर मुत्यु भएको जिल्ला प्रहरी कार्यालय प्रमुख डिएसपी श्यामबाबु ओलीयाले बताए ।
उनका अनुसार रास्कोट नगरपालिका १ को चडीपानी वनमा घाँस काट्न गएकी भण्डारी पहिरोमा पुरिएर घटनास्थलमै मृत्यु भएको हो । यससँगै रास्कोट नगरपालिकामा पहिरोमा परेर ज्यान गुमाउनेको संख्या २ पुगेको छ । पाँचजना अझै वेपत्ता छन् । गत मंगलबार राती आएको पहिरोले रास्कोट नगरपालिका १ बहलतोलामा एकजनाले ज्यान गुमाएका थिए भने पाँचजना वेपत्ता भएका थिए । वेपत्ता भएकाको खोजी कार्य जारी रहेको प्रहरीले जनाएको छ ।
जिल्लामा बाढी र पहिरोमा परी गत सोमबार यता १६ जनामो मृत्यु भइसकेको छ । ७ जना अझै बेपत्ता छन् । नेपाली सेना, सशस्त्र प्रहरी र नेपाल प्रहरीले वेपत्ताको खोजी कार्य जारी रहेको जनाएको छ ।
जिल्लाको नरहरीनाथ गाउँपालिकामा ९ जनाको मृत्यु, एकजना वेपत्ता, सान्नीत्रिवेणी गाउँपालिकामा २ जनाको मृत्यु, रास्कोट नगरपालिकामा २ जनाको मृत्यु पाँचजना वेपत्ता, पलाँता गाउँपालिकामा १ जनाको मृत्यु, महाँवै गाउँपालिकामा २ जनाको मृत्यु र खाँडाचक्र नगरपालिकामा एकजना वेपत्ता छन् ।
प्रतिक्रिया दिनुहोस !
