स्याङजाको सेतीखोलामा बेवारिसे अवस्थामा बुलेट मोटरसाइकल  भेटियो

स्याङजा : फेदिखोला गाउँपालिका २ स्थित भालुपहाडस्थित जलकुण्डमा बुलेट मोटरसाइकल भेटिएको छ । भालुपहाडको बीचबाट गुजे्रको सिद्धार्थ राजमार्ग भन्दा ५÷६ सय मीटर तल रहेको सेतीखोलास्थित जलकुण्डमा आइतबार साँझ मोटरसाइकल भेटिएको प्रहरी नायब उपरीक्षक राजेन्द्र अधिकारीले जानकारी दिए । 

हरियो रंगको बुलेट मोटरसाइकलमा नम्बर प्लेट नभएको र हेलमेट भने अर्को साइडमा रहेको उनले भने । खोलामा माछा मार्न गएका व्यक्तिले खोलामा मोटर साइकल देखेपछि प्रहरीलाई खबर गरेका थिए । प्रहरीसहितको टोली सोमबार बिहानदेखि अनुसन्धानमा जुटेको प्रनाउ अधिकारीले बताए ।  

पुतलीबजार नगरपालिका र फेदिखोला गाउँपालिकाको संगमस्थलमा रहेको पयर्टकीय क्षेत्र हो भालुपहाड । ठूला, काला पत्थरिला पहाड भएकाले सो पहाडलाई भालुपहाडको नामांकरण गरिएको हो।