फिदिम : भीरबाट झरेको ढुंगाले लागेर फिदिम नगरपालिका ११ का ८२ वर्षीय हरीप्रसाद श्रेष्ठको सोमबार बिहान मृत्यु भएको छ । मृतक श्रेष्ठको टाउकोमा चोट देखिएको जिल्ला प्रहरी कार्यालय पाँचथरका प्रहरी नायब उपरीक्ष सिद्धराज न्यौपानेले जानकारी दिए ।
सेजेपाको भीरबाट झरेको ढुंगा श्रेष्ठको टाउकोमा बज्रिदा उनको घटनास्थलमै मृत्यु भएको हो । श्रेष्ठको शव पोष्टमार्टका लागि जिल्ला अस्पताल फिदिम ल्याइएको छ ।
वृद्धाभत्ता थाप्न आइतबार श्रीमतीसँग फिदिम आएका श्रेष्ठ घर फर्कने क्रममा साँझ परेपछि आफन्तकोमा बास बसेका थिए । बिहान सबेरै उठेर घर जाने क्रममा भीरबाट खसेको ढुंगाले लागेर उनको मृत्यु भएको हो ।
प्रतिक्रिया दिनुहोस !
