नुवाकोट : त्रिदेशीय मार्गको रुपमा रहेको त्रिशूली–स्याफ्रुवेशी–रसुवागढी सडक पहिरोका कारण पुनः अवरुद्ध भएको छ । अविरल वर्षपछि खसेको पहिराले रसुवागढी नाका जोड्ने सडक यस वर्ष दशौं पटक अवरुद्ध भएको हो ।
नेपाल–चीन प्रवेशका लागि छोटो दूरीको रसुवागढी नाका हाल सञ्चालनमा रहेको नएउटै नाका हो । सो सडकमार्गको धुन्चे–स्याफ्रुबेसी सडक खण्डको खोपाङ भीरमा ठूलो पहिरो गएपछि सडक फेरी अवरुद्ध भएको जिल्ला प्रहरी कार्यालय रसुवाले जनाएको छ । पहिरो पन्छाउने कार्य भइरहेको छ । ठूलो पहिरो गएका कारण तत्काल सडक सञ्चालनमा आउने सम्भावना नरहेको प्रहरीले जनाएको छ ।
सो सडक खुलाउनका लागि पहल भइरहेको रसुवाका प्रहरी नायव उपरीक्षक इन्द्रप्रसाद सुवेदीले बताए । ‘आधा सडक नै पहिरोले लगेको छ’, उनले भने, ‘दुई दिनपछि सडक खुल्ने सम्भावना छ ।’
पहिरो पन्छाउनका लागि लागि सडक डिभिजन कार्यालयसँग समन्वय गरिररहेको उनको भनाइ छ । रसुवागढी काठमाडौदेखि १५२ किलोमिटर उत्तर भोटेकोशी नदी किनारामा रहेको छ ।
चीन सरकारले गत सन् २०१७ सेप्टेम्वर १ देखि अन्र्तराष्ट्रिय नाकाको मान्यता दिएको रसुवागढी नाका जोड्ने छोटो दूरीको मैलुङ–स्याफ्रुबेसी सडक साउन १ गतेदेखि नै बन्द छ । सो सडकको पहिरो समेत पन्छाउन नसकिएको प्राविधिकहरुले ब्ताए ।
प्रतिक्रिया दिनुहोस !
