काठमाडौं : विद्यार्थीहरुको समूहले त्रिभुवन विश्वविद्यालयका उपकुलपति प्राध्यापक डा. धर्मकान्त बास्कोटाको कार्यकक्ष तोडफोड गरेका छन् । उनीहरुले कार्यालयमा रहेको सवारी साधन पनि फुटाएका छन् ।
विद्यार्थीले कार्यालयको झ्याल, ढोका तथा कुर्सी फुटाएका छन् । गाडीको सिसा पनि फुटाएका छन् । त्रिविका सूचना अधिकारी सूर्य अधिकारीले कुन समूहले आक्रमण गरेको भन्ने एकिन भएको छैन । केहि समयअघि पनि बास्कोटाको कुर्सी नेपाल विद्यार्थी संघले जलाएका थिए ।
बास्कोटासहित त्रिवि पदाधिकारीको कार्यशैलीप्रति असन्तुष्टि जनाउँदै नेविसंघ, प्रजातान्त्रिक प्राध्यापक संघ तथा लोकतान्त्रिक प्राध्यापक संघले केहि समयअघि पदाधिकारीको कार्यकक्षमा ताला लगाएका थिए । अदालतले आदेश दिएपछि उक्त ताला एक साताअघि मात्र खुलेको थियो ।
प्रतिक्रिया दिनुहोस !
