सिरहा : मंगलबार सिरहामा थप १० जनालाई कोरोना संक्रमण भएको छ। त्यसमा दुई जना प्रहरी हिरासतमा रहेका थुनुवा हुन्। ८ जना सुखीपुर नगरपालिकाका क्वारेन्टाइनका रहेका छन्।
योसँगै सिरहामा संक्रमित संख्या २३३ पुगेको छ । जसमा २०५ जना निको भएर डिस्चार्ज भएका छन्। भने एक जनाको मृत्यु भएको छ। बाँकी २९ जना संक्रमितलाई आइसोलेसनमा राखी उपचार भइरहेको जिल्ला स्वास्थ्य कार्यालय सिरहाका प्रमुख कृष्णदेव यादवले जानकारी गराए।
इलाका प्रहरी कार्यालय गोलबजारमा रहेका थुनुवामा कोरोना संक्रमण भेटिएको जिल्ला प्रहरी कार्यालय सिरहाका प्रवक्ता तथा डिएसपी विनोद घिमिरेले जानकारी दिए। उनका अनुसार थुनुवासँग सम्बन्धित मुद्दा शाखामा कार्यरत प्रहरीलाई पनि क्वारेन्टाइन गरिएको छ। थुनुवालाई आइसोलेसनमा राखी उपचार गरिने उनले बताए।
प्रतिक्रिया दिनुहोस !
