सिरहा : शनिबार सिरहामा कोरोना भाइरस(कोभिड–१९)का ८ जना नयाँ संक्रमित थपिएका छन्। जसमा सशस्त्र प्रहरी, थुनुवा, स्वास्थ्यकर्मी र समुदायका व्यक्ति छन्।
जिल्ला स्वास्थ्य कार्यालय सिरहाका प्रमुख कृष्णदेव यादवका अनुसार लहान नगरपालिकाको इलाका प्रहरी कार्यालयमा रहेका थुनुवा १ जना, सशस्त्र प्रहरी लहानमा कार्यरत २ जना र सोही नगरपालिकाको एक स्वास्थ्यकर्मीमा संक्रमण पुष्टि भएको छ। त्यसैगरी, नवराजपुर गाउँपालिकाको क्वारेन्टाइनमा १ जना, बरियारपट्टि गाउँपालिकाको कर्मचारी १ जना, र सोही गाउँपालिका र मिर्चैया नगरपालिकामा ‘कन्ट्याक्ट टेसिङ्ग’का आधारमा १-१ जनामा कोरोना संक्रमणको पुष्टि भएको हो। योसँगै सिरहामा कोरोनाका सक्रिय बिरामी ५८ जना पुगेको छन्।
हालसम्म सिरहामा २ सय ५ जना कोरोना जितेर घर फर्किएका छन्। पछिल्लो समय समुदाय स्तरमा संक्रमण फैलिरहेको छ। गोलबजार नगरपालिका र विष्णुपुर गाउँपालिकाको १-१ जनाको कोरोनाबाट मृत्यु भएको छ।
प्रतिक्रिया दिनुहोस !
