प्यूठान : भारतबाट आएर स्थानीय तहले बनाएका क्वारेन्टाइनमा बसेका २८ जनालाई कोरोना भाइरस पोजिटिभ देखिएको छ । आइतबार आएको रिपोर्ट अनुसार सरुमारानी गाउँपालिकामा १७ जना र स्वर्गद्धारी नगरपालिकामा ११ जनालाई कोरोना देखिएको हो ।
पोजिटिभ देखिएकामध्ये २१ जना पुरुष र सातजना महिला रहेको स्वास्थ्य कार्यालय प्यूठानका कोरोना फोकल पर्सन पुष्कल श्रेष्ठले जानकारी दिए । प्रादेशिक स्वास्थ्य प्रयोगशाला भैरहवामा उनीहरुको स्वाब परीक्षण गरिएको श्रेष्ठले बताए ।हालसम्म प्यूठानमा ४ सय ५ जना कोरोना पोजिटिभ देखिएका छन् ।
ती मध्ये ३ सय ३७ जना निको भएर घर फर्किएका छन् । बाँकी रहेका ६८ जना जिल्लाका विभिन्न स्थानीय तहमा रहेका क्वारेन्टाइनमा बसेका छन् । पछिल्लो समय कोरोना संक्रमित हुनेकोहरुको संख्या फेरी बढ्दै जान थालेपछि नागरिकमा त्रास बढ्दै गएको छ ।
प्रतिक्रिया दिनुहोस !
