कुश्मा : वेवारिसे अवस्थामा भेटिएको शव पहिचान नहुँदा तीन दिनदेखि पर्वत अस्पतालमा अलपत्र बनेको छ । पर्वतकै कुश्मा नगरपालिका ९ कटुवाचौपारीस्थित पाटेश्वरी मन्दिर नजिकै गत बुधबार दिउँसो भेटिएको एक पुरुषको शव आफन्तहरु सम्पर्कमा नआउँदा अस्पतालकै शवगृहमा छ।
जिल्ला प्रहरी कार्यालय पर्वतले दिएको जानकारी अनुसार अन्दाजी ५०/५५ वर्षीय पुरुषको शप पोष्टमार्टमका लागि शवगृहमा राखिएको तर पहिचान खुल्न नसकेको र आफन्त पनि सम्पर्कमा नआएकाले पोष्टमार्टम समेत हुन सकेको छैन ।
प्रहरीले सूचना जारी गरी सम्बन्धित घरपरिवार वा आफन्त सम्पर्कमा आउन आग्रह गरेको छ । प्रहरीले मृतकको हुलिया समेत सार्वजनिक गरेर सम्पर्कमा आउन आग्रह गरेको हो । मृतकको साथमा कुनै कागजात, र व्यक्तिगत सामानहरु समेत नभएकाले पहिचान गर्न गाह्रो भएको जिल्ला प्रहरी कार्यालय पर्वतका प्रहरी निरीक्षक मनिष श्रेष्ठले जानकारी दिए । शव गन्ध आउने र छाला समेत सडिसकेको अवस्थामा रहेको प्रहरीले जनाएको छ ।
प्रतिक्रिया दिनुहोस !
