मुगु : जिल्लाको छाँयानाथ रारानगरपालिका-२ चैना गाउँका घरघरमा पानीका धारा जडान भएका छन्। पुस्तौदेखि गाउँबाट १५ मिनेट टाढा रहेको ढुङ्गेधारको पानी खाँदै आएका स्थानीय अहिले सुरक्षित खानेपानीका धारा पाएपछि दंग भएका छन्।
छाँयानाथ रारा नगरपालिका-२ चैना गाउँमा ४५ घरधुरी छन् । पुस्तौदेखि सबै ४५ घरधुरीहरु गाउँदेखि १५ मिनेट टाढा रहेको चैना खोलामा रहेको ढुङ्गेधाराको खानेपानी
प्रयोग गर्दै आएका थिए ।
गाउँमै खाने पानी अभाव भएपछि छाँयानाथ रारा नगरपालिका र युनिसेफको आर्थिक सहयोगमा हिमाली ग्रामिण युवा समाज विकास केन्द्र (हिसिडेक) मुगुले धारा निमार्ण गरेपछि ४५ घरधुरी चैनाबासीले घरघरमा धारा पाएका हुन् ।
छाँयानाथ रारा नगरपालिकाले ११ लाख ५० हजारमा सोही नगरपालिका-५ मुन्दुमा रहेको इन्टेकबाट आरसिसी टयाङ्की सम्मको पाइपलाई निमार्ण गरेको थियो । युनिसेफको आर्थिक सहयोगमा हिसिडेक मुगुले १२ हजार क्षमता भएको आरसिसी टयाङ्कीसहित ४५ घरधुरी र दुई सार्वजनिक एक संस्थागत गरी ४८ खानेपानीको धारा निर्माण सम्पन्न गरी समुदायलाई हस्तान्तरण गरिएको हो। स्थानीयले आ-आफना खानेपानीका धारा उपभोग गर्न सुरु गरेको चैना गाउँ एक घर एक धारा निमार्ण उपभोक्ता समितिका अध्यक्ष मानप्रसाद चौलागाईले बताए ।
घरघरमा धारा निमार्ण भएपछि सबैभन्दा सहज गृहिणीहरुलाई भएको छाँयानाथ रारा नगरपालिका-२ कि बिजया हमालले बताइन् । प्रत्येक घरमा खानेपानीको धारा निमार्ण गरेपछि अब सबैले सुरक्षित खानेपानी उपभोग गर्न पाउनेछन् । प्रत्येक घरलाई सुरक्षित खानेपानीका धारा निमार्ण भएपछि चैना गाउँलाई जिल्लामै पहिलोपटक सुरक्षित खानेपानीयुक्त समुदाय निमार्ण घोषण गर्ने तयारी समेत भइरहेको हिरिसडेक मुगुका कार्यकारी निर्देशक मिनबहादुर रावलले जानकारी दिए ।
प्रतिक्रिया दिनुहोस !
