बेइजिङ : चिनियाँ सहर दोङगुआनस्थित हुआवे कम्पनीको एक अनुसन्धान केन्द्रमा आगलागी हुँदा तीन जनाको मृत्यु भएको छ ।
सरकारी अधिकारीका अनुसार चिनियाँ कम्पनी हुआवेले हालै एक नयाँ अनुसन्धान सुरु गरेको थियो । तर शुक्रबार अचानक उक्त भवन आगो र धुवाँको मुस्लोले भरियो । सोंगसान लेकस्थित यस औधोगिक क्षेत्रमा हुआवेको भवनमा आगजनी हुँदा धुवाँको मुस्लोले बादलको रुप लिएको थियो ।
आगजनीपछि घटनास्थलबाट कामदारहरुको उद्धार भएको थियो । तीनजना भने भवनभित्रै मृत अवस्थामा भेटिएका हुन् । उनीहरु सोही कम्पनीका कामदार भएको पनि पहिचान खुलेको छ ।
घटनापछि १ सय ४० अग्नि नियन्त्रकको टोली त्यहाँ पुगेको थियो । सेतो रंगको भवनमा आगलागी भएको भिडियो भने चिनियाँ टेलिभिजन सिसिटिभीबाट पनि सार्वजनिक भएको छ । हुआवेले भने विज्ञप्ति निकाल्दै उक्त भवन सिटलबाट निर्मित भएको जनाएको छ ।
प्रतिक्रिया दिनुहोस !
