मकवानपुर : मकवानपुर जिल्लामा खोलाले बगाउँदा आइतबार एक दम्पतीको मृत्यु भएको छ। मकवानपुरगढी गाउँपालिकामा सामरी खोलाले बगाउँदा पतिपत्नीको मृत्यु भएको हो।
मकवानपुरगढी–६ बाट वडा नं ३ तर्फ जाने क्रममा खोला तर्दा सोही ठाउँका ज्ञानबहादुर परियार र उनकी पत्नी तुलसाको बगेर मृत्यु भएको इलाका प्रहरी कार्यालय मकवानपुर गढीका प्रहरी नायब उपरीक्षक कृष्ण केसीले जानकारी दिए।
उनीहरुलाई खोलाले बगाएर ६० फिट तलसम्म पुर्याएको थियो। यसअघि मकवानपुरका विभिन्न स्थानमा खोलामा शनिबार डुबेर तीन जनाको मृत्यु भएको थियो। केही दिनयता परेको अविरल वर्षाले मकवानपुरका विभिन्न खोलामा पानीको वहाब तीव्र छ।
प्रतिक्रिया दिनुहोस !
