सिरहा : प्रहरी हुँ भन्दै ठगी गर्ने एक जनालाई सिरहा प्रहरीले पक्राउ गरेका छन्। पक्राउ पर्नेमा अर्नमा गाउँपालिका १ का ३० वर्षीय मोहम्मद जाबिर रहेको जिल्ला प्रहरी कार्यालय सिरहाले जनाएको छ।
जाबिरले बरियारपट्टि गाउँपालिका-४ का मुकेश कुमार साहसँग उनको दाजुलाई रिहाई गराइदिने झुठा प्रलोभनमा पारी ३५ हजार दिनुपर्छ भनेर ठगी गरेको प्रहरीले जनाएको छ। मुकेशको दाजु २३ वर्षीय शिवकुमार साह जर्वजस्ती करणी मुद्दामा पूर्वपक्षका लागि करागार चलान भएका छन्।
आफु मुद्दामा फाटमा कार्यरत प्रहरी रहेको भन्दै शिवकुमारलाई रिहाई गराउने बापत रकम ठगी गर्न खोजेका थिए। जाबिरलाई पक्राउ गरी थप अनुसन्धान भइरहेको जिल्ला प्रहरी कार्यालय सिरहाका प्रवक्ता तथा डिएसपी शालिग्राम शर्माले जानकारी दिए।
प्रतिक्रिया दिनुहोस !
