इटहरी : अस्पतालमा उपचार नपाएर इटहरीमा एक कोरोना संक्रमितको मृत्यु भएको छ। इटहरी ७ का ६८ वर्षीय पुरुषको कोरोना संक्रमणको कारण मृत्यु भएको हो। नियमित डायलाइसिस गरिरहेका ती व्यक्तिको उपचार नपाएर मृत्यु भएको वडाध्यक्ष नरबहादुर राईले जानकारी दिए।
उनलाई बिरामी भएपछि विराटनगरको म्याक्स अस्पताल लगिएको थियो। त्यहाँ पिसिआर टेस्ट गर्दा कोरोना संक्रमण पाइएपछि अस्पतालले कोशी अस्पताल वा धरानस्थित वीपी प्रतिष्ठान लैजान सिफारिस गरेको राईले बताए।
‘दुवैतिर भेन्टिलेटरसहितको बेड खाली नभएको प्रतिक्रिया पाएपछि घर ल्याइयो, घरमै राति ज्यान गयो,’ राईले भने। दमको समेत बिरामी रहेका बिरामीले उपचार नै नपाएर ज्यान गुमाएको उनले बताए।
इटहरीमा सुविधासम्पन्न अस्पताल नहुँदा जटिल रोगका बिरामीहरुलाई धरान वा विराटनगर लानुपर्ने बाध्यता छ। कोरोना संक्रमितहरु थपिँदै जाँदा अस्पतालहरुमा बिरामीहरुले बेड पाउन छाडेका छन्।
प्रतिक्रिया दिनुहोस !
