झापा : सानीआमाको घरमा पाहुना आएका बेला घर नजिकैको नालामा करेन्ट लगाएर माछा मार्न जाँदा २४ वर्षीय शिव तुम्वाहाम्फेको मृत्यु भएको छ। आइतबार साँझ ६ बजेतिर साथी सँगै माछा मर्न गएका उनी र उनका साथी हरिप्रसाद रिमाललाई करेन्टको झट्का लागेको थियो।
तुम्वाहाम्फेको घटनास्थलमै मृत्यु भएको जिल्ला प्रहरी कार्यालय झापाका प्रवक्ता राकेश थापाले जानकारी दिए। थापाका अनुसार उनका साथी रिमालको भने बी एण्डसी अस्पतालमा उपचार भइरहेको छ। पाँचथरको फिदिम घर भएका मृतक युवा केहि दिन अघि आफन्तको घर विर्तामोड आएका थिए।
प्रतिक्रिया दिनुहोस !
