भक्तपुरका ८८ प्रतिशत संक्रमित होम आइसोलेसनमा : ७८ संक्रमितको मृत्यु
कात्तिक २१, २०७७ शुक्रबार १९:४४:०
भक्तपुर : भक्तपुरका ८८ प्रतिशत कोरोना भाइरस संक्रमित होम आइसोलेसनमा रहेका छन्। यहाँ एकहजार ३ सय ५६ सक्रिय संक्रमितमध्ये ८८ प्रतिशत अर्थात एक हजार २ सय २ जना होम आइसोलेसनमा बसेको हुन्।
स्वास्थ्य कार्यालय भक्तपुरका अनुसार यहाँका ६ सय ६९ पुरुष र ५ सय ३३ महिला गरी एकहजार ३ सय ५६ जना होम आइसोलेसनमा रहेका छन्। कार्यालयका प्रमुख कृष्ण मिजारले भक्तपुरका ८५ पुरुष र ६९ महिला गरी एकसय ५४ जना सक्रिय संक्रमितमात्रै अस्पताल तथा नगरपालिकाहरुले सञ्चालन गरेको आइसोलेसनमा रहेको जानकारी दिए।
डिस्चार्ज हुने बढे
उनका अनुसार २ हजार ७ सय ८८ पुरुष र २ हजार एकसय ३५ महिला गरी ४ हजार ९ सय २३ जना व्यक्ति संक्रमण निको भएको डिस्चार्ज भएका हुन्।
७८ संक्रमितको मृत्यु
भक्तपुरका कोरोना भाइरस संक्रमणका कारण ७८ जनाको मृत्यु भइसकेको छ। जसमा ५४ पुरुष र २४ महिला रहेका छन्।
स्वास्थ्य कार्यालयको तथ्यांकअनुसार भक्तपुरका चार नपामध्ये सबैभन्दा बढी भक्तपुर नपाका संक्रमितहरुको मृत्यु भएको छ। यहाँका २२ पुरुष र १३ महिला गरी ३५ जनाको कोरोना भाइरस संक्रमणको कारण मृत्यु भएको छ।
भक्तपुरपछि मध्यपुर थिमि नपाका १८ पुरुष र ६ जना महिला गरी २४ जना संक्रमितको मृत्यु भएको छ। त्यस्तै सूर्यविनायक नपाका १० पुरुष र ५ महिला गरी १५ जना तथा चाँगुनारायण नपाका ४ पुरुषको संक्रमणको कारण मृत्यु भएको छ।
संक्रमितको संख्या ६ हजार ४ सय ८२
शुक्रबार एकसय २५ जना नयाँ थपिएसँगै भक्तपुरमा कोरोना भाइरस संक्रमितको संख्या ६ हजार ४ सय ८२ पुगेको छ। जसमा पुरुष ३ हजार ६ सय ५४ र महिला २ हजार ८ सय २८ महिला संक्रमित रहेका छन्।
शुक्रबार सबैभन्दा बढी मध्यपुर थिमि नपामा २७ पुरुष र ४३ महिला गरी ७० जना संक्रमित थपिएको स्वास्थ्य कार्यालयले जनाएको छ। कार्यालयका प्रमुख मिजारले सूर्यविनायक नपामा १६ पुरुष र १५ महिला गरी ३१ जना, भक्तपुर नपामा ५ पुरुष र ३ महिला गरी ८ जना तथा चाँगुनारायण नपामा ३–३ महिला र पुरुष गरी ६ जना नयाँ संक्रमित थपिएको बताए।
शुक्रबार संक्रमण पुष्टि भएका ७ पुरुष र एक महिला गरी ८ जना सम्पर्कविहीन भएको उनको भनाइ छ।
मध्यपुर थिमि नपामा सर्वाधिक संक्रमित
भक्तपुरका चार नपामध्ये सबैभन्दा बढी संक्रमित मध्यपुर थिमि नपामा रहेका छन्। स्वास्थ्य कार्यालयको तथ्यांकअनुसार शुक्रबारसम्म यहाँ संक्रमितको संख्या २ हजार ३ सय ७५ पुगेको छ। जसमा पुरुष एकहजार ३ सय २ र महिला एकहजार ७३ जना रहेका छन्।
मध्यपुर थिमिपछि सूर्यविनायक नपा दोस्रो स्थानमा रहेको छ। यहाँ संक्रमितको संख्या एकहजार ९ सय ३८ पुगेका छन्। जसमा पुरुषको संख्या एकहजार एकसय २५ र महिलाको संख्या ८ सय १३ रहेको छ।
त्यस्तै भक्तपुर नपामा ७ सय ५४ पुरुष र ६ सय ८१ महिला गरी एकहजार ४ सय ३५ तथा चाँगनारायण नपामा ३ सय ६५ पुरुष र २ सय १९ महिला गरी ५ सय ८४ जना संक्रमित पुगेका छन्।
प्रतिक्रिया दिनुहोस !
