झापामा कोरोनाबाट थप दुईजनाको मृत्यु, मृतकको संख्या ६४ पुग्यो
कात्तिक २३, २०७७ आइतबार ११:२५:०
झापा : झापामा कोरोना भाइरस संक्रमणबाट आइतबार बिहान दुईजनाको मृत्यु भएको छ । मृत्यु हुनेमा भद्रपुर नगरपालिका ५ मा बस्ने पूर्व गाविस सचिव तथा नेपाल जेसिजका पूर्वराष्ट्रिय उपाध्यक्ष हुन्।
दीर्घरोगी समेत रहेका ६२ ती पुरुषले कार्तिक २१ गते मेची प्रादेशिक अस्पतालमा पीसीआर परीक्षणका लागि स्वाब दिएको वडा नम्बर ५ का वडाअध्यक्ष बन्धु कार्कीले बताए । मृतक पुरुषको रिर्पोट आइतबार बिहान मात्र आएको हो।
उनको दाहसंस्कार कनकाई नदीमा नेपाली सेनाको टोलीले गर्नेछ । त्यसैगरी अर्जुन धारा नगरपालिका ६ की ८१ वर्षीया महिलाको पनि कोरोना संक्रमणकै कारण आइतबार बिहान मृत्यु भएको छ ।
रुघा र ज्वोरो बढ्दै गएपछि विराट मेडिकल कलेज विराटनगरमा उपचाररत रहेकी वृद्धाको पीसीआर परीक्षणको रिर्पोट शनिबार पोजिटिभ आएको थियो । उनको पनि नेपाली सेनाको टोलीले नै आइतबारै अन्त्येष्टि गराउने वडाअध्यक्ष लोकनाथ गौतमले जानकारी दिए । यो सँगै झापामा कोरोना संक्रमणबाट मृत्यु हुनेको संख्या ६४ पुगेको छ ।
प्रतिक्रिया दिनुहोस !
