ताप्लेजुङ: ताप्लेजुङको मिक्वाखोला गाउँपालिका–१ खोक्लिङमा बुधबार दिउँसो ट्याक्टर दुर्घटना हुँदा एक जनाको मृत्यु भएको छ । एक जना घाइते भएका छन् ।
मृत्यु हुनेमा खोक्लिङकै २२ वर्षीय दलबहादुर गुरुङ छन् । ट्याक्टरका सहचालक गुरुङको घटनास्थलमै मृत्यु भएको जिल्ला प्रहरी कार्यालय ताप्लेजुङका प्रमुख महेन्द्र श्रेष्ठले जानकारी दिए ।
सोही वडाका वडाध्यक्ष अमृत लिम्बुका अनुसार मिक्वाखोला–२ निवासी ६ वर्षीय कृजम थापा घाइते छन् । उनलाई उपचारका लागि जिल्ला अस्पताल ल्याइएको छ ।
अलैंची बोकेर मिक्वाखोला–२ ओझागाउँबाट वडा नं १ को डाँडागाउँतर्फ आउँदै गरेको लु ४ त ६५४८ नं को ट्याक्टर सल्लेरीडाँडामा सडकबाट करिब २० मिटर खसेर दुर्घटना भएको हो । मृतक गुरुङको शव ट्याक्टरको डालोले च्यापिएको अवस्थामा छ ।
प्रतिक्रिया दिनुहोस !
