चितवन : दूधको बजारीकरण, अनुदान र राहत नहुँदा कृषकले गुनासो पोख्न कृषिमन्त्री घनश्याम भुसाललाई डाकेका छन् । पटकपटकको अनुरोधपछि मन्त्रीलाई नै डाकेर उनीहरूले मन्त्रीसामु आफ्नो दुःखेसो पोखेका हुन् ।
गुनासो पोख्न बोलाइएका मन्त्रीलाई कृषकले दूध खुवाएर स्वागत गरे । प्रमुख अतिथि भुसालले दूध पिएर कार्यक्रमको उद्घाटन गरे । सरकारबाटै उपेक्षा गरिएको कृषकको अनुभव छ । भण्डाराका किसान डालबहादुर श्रेष्ठले दूधको खपत नभएको गुनासो गरे । मिल्क होलिडे कृषकको मुख्य समस्या भएको छ ।
नेपाल सरकारको स्वामित्वमा रहेको दुग्ध विकास संस्थानसहित निजी डेरीले दूध खरिद नगर्दा मिल्क होलिडे हुने गरेको छ । उत्पादित दूध बिक्री सहजीकरण गर्न किसानले मन्त्री भुसाललाई आग्रह गरे । पश्चिम चितवनमा असोजमा चार दिन, कात्तिकमा पाँच दिन, मंसिरमा दुई दिन मिल्क होलिडे भयो । दुग्ध उत्पादन सहकारी संघ कालिका नगर समितिका संयोजक लक्ष्मीनारायण चौलागाईंले भने, ‘दूध लान खोज्दा चिस्यानमा अट्दैन, निजी डेरीले किन्दैनौ भन्छन् । दूध लगेर कहाँँ फाल्ने ? यो समस्याप्रति मन्त्रीज्यूको ध्यानाकर्षण होस् ।’
पूर्वी चितवनमा मात्रै दैनिक ५० हजार लिटर दूध उत्पादन हुन्छ । भण्डारामा चार हजार लिटर क्षमताको चिस्यान केन्द्र छ । यसले दूधको बजारीकरणमा समस्या छ । जिल्ला दुग्ध उत्पादक सहकारी संघका अध्यक्ष रत्नमणि न्यौपानेले दूधको बजारीकरण नहुँदा पलायन हुने अवस्था आएको बताए । चितवनमा एक सय दस वटा सहकारी संस्था सक्रिय छन् भने ६० निजी डेरी छन्
प्रतिक्रिया दिनुहोस !
